Hakerek Nain: Challys Costa
Perspectiva hakerek nain fokus ba iha munisipiu Lautem
Munisipiu Lautem nu’udar munisipiu ida ne’ebé hola parte mós ho munisipiu sanulu resin ida inklui ho Raeo Zeems (Oekuse). Munisipiu hirak ne’e hamutuk mak ita hanaran Republika Demokratika de Timor-Leste. Munisipiu ida-idak iha nia natureza no kultura ne’ebé mesak uniku no diferente ba malu. Diferensia hirak ne’ebé iha mak sai nudar Timor nian riku soin hodi hatudu ba mundu internasional katak Timor iha potensia turismu natureza no kultura atu bele dezenvolve hodi hasa’e rendimentu komunidade nian atu kore povu hosi kiak no mukit iha rai lulik ida ne’e, no tuir planu ita nia governu hatu’ur ona.
