Esperensia diak no moruk durante implementasaun Estadu da Emerjensia.

Fahe ideas tuir observasaun ne’ebe halo iha tenpu estadu da emerjensia ne’ebe komesa husi 27 de Marsu too 26 de Abril de 2020.

CIGC Sei Diskute Hikas Nesesidade Prolongamentu Estadu Emerjénsia ...
Source: Tatoli

Implementasaun estadu da emerjensia iha progresu balun ne’ebe diak maibe mos esperensia moruk balun ne’ebe cidadaun enfrente iha tenpu ne’eba.

Estadu da emerjensia nee dada (foti) husi baze legal iha konstitusaun da RDTL, artigu 25. Iha nee hatete momos, husi parte (numeru) 1-6 esplika klaru. Iha asuntu importante balu kona-ba estadu emerjensia ne’ebe tenke apa’ar mos direitu umanus fundamental sira mak regula iha numeru 5 hanesan tuir mai nee:

“ Deklarasaun estadu serku nian labele afeta direitu ba moris, integridade fíziku, sidadania, no labele halo retroatividade ba lei penál, direitu ba defeza ne’ebé iha ona prosesu krime nia laran no liberdade konxiénsia no relijiaun nian, ho direitu atu lasimu tortura, sai atan, tratamentu kruél, la’ós umanu eh degradante, no iha garantia atu la hetan diskriminasaun

Bazeia “rule of law” supremasaun do lei, iha permeiru implementasaun estadu da emerjensia nian, iha buat balun ne’ebe governu implementa ba prevensaun surtu COVID-19 maibe mos buat balun ne‘ebe karik latuir  konstitusaun haruka.

Tuir mai nee iha progresu di’ak no esprensia moruk durante iha estadu da emerjensia.

Progresu diak balun durante estado de emergência:

  1. Molok atu Implementa estadu da emerjensia no implementa distansia sosial, govern liu husi sekretariu da estadu arte no kultura halo programa divulgasaun COVID-19 liu husi mekanismu prevensaun ho forsa natureza kultural. Iha kada munispiu hotu-hotu, komunidade sira halo atividade ritual, oho manu no fahi.
  2. Governo ho suseu blokea aeroportu no frontera terestre 3 iha Batugade, Suai, no Oekuse.
  3. Governu implementa quarantena obrigatorus ba cidadaun Timor no estrajeiru sira ne’ebe tama husi nasaun afetadu ba COVID-19.
  4. Ho kordenasaun ho OMS, governu kontinua halo kordenasaun diak tuir padraun, proseduramentu prevensaun COVD-19 nune’e mos kontinua fahe informasaun kona-ba kazu COVID-19 iha Timor-Leste.
  5. Programa distansia sosial hahu divulga informasaun no sosializa iha tenpu estadu da emerjensia.
  6. Transporte publiku, lojas, merkadu, edefsiu publiku, NGO no emepresa, no atividade sira ne’ebe iha risku ba COVID-19 hapara hotu. Governu rekomenda halao atividade ho maneira Sistema online.
  7. Eskola, universidade (programa aprendijajen) para total no halo ho eskola distansia liu husi televisaun no radio.
  8. Movimentus pesoas ne’ebe ladun importante limita, no governu sujere halo atividade iha uma. Maibe atividade seluk balun ne’ebe presija hanesan ba kompras, ka atividade balun ne’ebe presija atu ezekuta. Komunidade sei halao nafatin.
  9. Atvidade hanesan halo festa, tuur hamutuk halimar karta, halo reniaun, reja ou misa hamutuk, ba halo atividade reja iha masjid, sira nee limita atu labele halo iha durante estadu da emerjensia.

Esperensia moruk balun iha durante estadu da emerjensia:

  1. Komandante PNTL deklara iha publiku katak WHO ou organizasaun saude mundial nia prezensa iha Timor-Leste nia intensaun halo projetu. Tanba, OMS hakarak hetan deit dadus COVID-19. Informsaun ne’ebe hatto hetan resaun husi representante ONU nian iha Timor-Leste. Ho ida ne’e, permeiru ministru husu deskulpa ba ONU no OMS nia representate.
  2. Ema balun iha publiku kestiona demisaun permeiru ministru ne’ebe tuir lolos para ona maibe dada fila fali. Nune’e mos demisaun nee hetan aprovasaun husi presidente da republika.
  3. Iha grupu feminista no defensora ba diretu feto nian hatete katak, premeiru ministru nia decisaun ladun justu. Tanba hapara minister da saude, Sr, Elia nein iha rajaun forte. Tanba iha parte balun, Timor-Leste promove dadaun equalidade da jeneru iha vida politika. Iha parte seluk, tanba sra. Minstra mai husi partidu seluk ne’ebe karik iha diskriminasaun oituan hodi hapara ministra refere.
  4. General FDTL hatete ha publiku katak iha ema barak mak sedauk disiplina, la kupri distansia sosial iha estadu da emerjensia. Tanba nee polisia bele halo intervensaun, baku sira. Ida nee laos violasaun direitus umanus.
  5. Iha kazu polisia komandante ida ho brutalmente tuku cidadaun ida ne’ebe iha karantina. Asaun da nee viral iha youtube. Komandante ne’ebe tuku sidadaun ne’e hatete katak, nia tuku tanba iha orientasaun husi komando.
  6. Asaun brutal sira no tratamentu balun ladiak ba maluk sira ne’ebe iha karantena, situasaun nee hamosu intervensaun PDHJ iha terenu hodi halo monitorzasaun. Maibe atividade PDHJ nee hetan reasaun negativu husi publiku no PNTL. Ezemplu iha konferensia iha media, husi PNTL hatete katak sira la satisfaz ho intervensaun PDHJ. Maibe iha parte balun, PDHJ mos deklara ba publiku katak sira halao sira nia funsaun tuir konstitusaun RDTL haruka. Sira iha obrigasaun atu defende no halo monitorizasaun kualker tenpu wainhira sidadaun hato keixa ba sra.
  7. Publiku balun iha atitude ne’ebe negativu ba PDHJ nia servisu, katak iha situasaun estadu da emerjensa PDHJ labele halao nia knar. Sira rekomenda atu ekipa jestaun krize halao sira nia servisu hodi halo prevensaun ba COVID-19. Maibe mos publika iha atitude ne’ebe kontrariu ho regras estadu da emerjensia. Sira suporta atu autor seguransa sira balun bele uza maneira brutalismu hasoru sidadaun se la kumpri regras sira.
  8. Iha mos konfujaun da implementasaun distansia sosial. Iha  kazu balun, wainhira estadu da emerjensia implementa iha semana permeiru, polisa halo check-point. Haruka ema sira ne’ebe uza motor tenke ema da deit. Too iha kazu ruma mosu, feen ho laen ba merkadu, no polsia haruka feen hodi tuun husi motor, tanba ema ida det mak uza motor no labele tula malu. Ida nee konfujaun boot, tanba sira lahatene. Maibe too ikus muda kontrola hanesan nee, ema komesa sae motor nain rua.
  9. Publika nia attitude ba maluk sira iha karantina negative tebes. Iha stigmatizasaun ba sira, no reasaun makaas ba maluk sira nee. Maibe tuir lolos, pubiku mos fo korajen ba sira, tanba iha auto karatina ou karatina obrigatoriu, sira presija mos pasensia durante loron 14, no balun liu. Ho situasaun hanesan nee halo sira mos sai tensu, ho stress.
  10. Iha parte politika, governante balun komesa hatudu promesas politika hanesan kua salariu hodi aloka ba ekipa lina-fronteira sira (hanesan polisia no ekipa saude sira). NUne’e mos, politiku nain balun promote fo subsidiu ba uma kain, empreza, imprestimu no balun tan ne’ebe la realiza too agora.

Karik maluk sira balun iha esperensia seluk bele aumenta.

Published by Celso Da Fonseca

I'm just a dreamer who enjoys my freedom. Freethinker, free writer, and free dream.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: