Valor diknidade umanu komesa mihis iha Timor-Leste : Tanba sala utiliza media sosial.

Hakerek nain: Chally’s Costa

Author

Media sosial nu’udar meius komunikasaun ida bazikamente utilizasaun neebe uza website, ka aplikasaun ne’ebe utiliza halo interaksaun ba malu liu husi dalan virtual ho maneira oi-oin. Komunikasaun hirak nee atu bele komunika ou asessu informasaun ruma iha moris lor-loron nian hosi distansia ne’ebe besik ka dook, akun sira iha media sosial ne’ebe bai-bain uza mak hanesan : Facebook, WhatsApp, Twitter, Instalgrram, Mensegger no seluk tan.   

Media sosial ohin loron ita moris iha era ida ne’ebe modernu, tanba teknolojia avansadu tebes kompara ho tinan hirak liu ba kotuk, iha era modernu ne’e ema hotu iha mundu utiliza media sosial nu’udar alternativa ida importante atu bele komunika malu. Maibe iha mos ema balun ne’ebe sala utiliza media social ne’e hodi hatun ema seluk nia diknidade. Liu-liu utiliza hodi insulta, defama umanu, ema seluk pior liutan bele uza ataka ema nia privasiadde no seluk tan ne’ebe mak dala ruma la merese atu publika iha media social.

Impaktu positivu no negativu utilizasaun media sosial

Impaktu postiviu liu hosi akun hirak ne’ebe temi iha leten mak nu’udar meiu atu komunika malu, kuinese malu, halo publikasasaun ruma, halo promosaun ruma no bele aprende no fahe matenek ba malu. Imapktu positivu nee mos mosu wainhira ita utiliza media social ho di’ak no tuir nia dalan no mos uza tuir etika hodi bele fo vantazen ba ema nia valor moris nian liu-liu oinsa bele promove nafatin direitus no dever ema ida-idak nian iha parte seluk mos utiliza tuir nia dalan atu bele garantia diknidade umanu nian.

Impaktu negativu sira mak hanesan: Ema uza media sosial nu’udar fatin transaksaun ida hodi bele publika no hatun ema seluk nia diknidade tanba observasaun hosi hakerek nain ema barak ohin loron uza media social hodi harahu valor uamnu iha sosiedade liu-liu hatun ita nia lideransa nasional sira nia diknidade nu’udar umanu ne’ebe mak  sira edit lideransa sira nia imajen ho inmoral trata ita nia lider sira iha parte seluk publikasaun ho video pornografia, foto a’at, trata malu, trata ema seluk, trata ema boot no seluk tan. Iha parte seluk problema ki’ik ka boot ohin loron ema tenke publika hotu iha media sosial ne’e hatudu katak ema barak sala utiliza media social no iha impaktu negativu ba diknidade umanu iha sosiedade nia le’et.  

Oinsá atu prevene impaktu iha leten.?

  • Operdor hotu-hotu tenke kontrola utilizador sira wainhira publika informasaun ne’ebe mak la ho etika tenke kansela no la autoriza atu publika.
  • Governu tenke kopera ho aperador sira atu bele idnetifika ema ne’ebe uza id falsu no wainhira identifika ona tenke halo blokeia id refere ho permanente.

Hakerek na’in konklui katak maioria iha Timor ita nia feto maluk sira mak sai vitima ba ba media sosial tanba dala barak ema sempre publika video a’at no foto a’at sira nia alvu mak feto maluk sira. Iha parte seluk ema id falsu sira barak liu mak insulta no hatun diknidade ita nia lideransa nasional sira, iha ema balu mos uza id falsu hodi hatun nia maluk seluk tan dala ruma la gosta malu iha parte ruma hahalok hirak ne’e hakerek nain konsidera iha Timor-Leste ita sala utiliza media social no ita nia diknidade umanu no valor umanu mos mihis hosi loron ba loron.  

Published by Celso Da Fonseca

I'm just a dreamer who enjoys my freedom. Freethinker, free writer, and free dream.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: