Kafe no Hakerek

Expresaun ideas liu husi hakerek nudar topiku diskusaun iha semana nee. Idea hakerek hau mensiona ona iha artigu seluk iha webcelso ho topiku: “Hakerek nudar expresaun imajinasaun iha fulan Maiu 2020”. Ezemplu bele lee iha link nee: https://webcelso.net/2020/05/09/hakerek-laos-tanba-obrigasaun-hakerek-nudar-expresaun-imajinasaun/. Halo diskusaun ho maneira dadalia, bele aponta rajaun no idea barak hodi sai topiku hakerek. Iha lokraik ne’e, ezemplu kiik, hau komesa dadalia ho Sr. Leo, nudar aktivista no praktisioner ambiental. Nia komesa hanoin oinsa atu elabora ideas lokal, atividade no esperensia sira liu husi letra ou hakerek.

Tuur, koversa halimar (Celso ho Leo). Enjoy @# kafe lokraik no hamosu idea hakerek@#. Wainhira dada lia ho Leo, nia komesa hamosu ona ideas oinsa atu rekola idea sira liu husi hakerek. Tanba hakerek hanesan dokumentasaun ida hodi arquiva ideas hotu-hotu ne’ebe durante nee ita iha no bele fahe ba ema seluk nebe presija.

Hanesan hau mensiona ona iha hau nia artigu balun iha link leten katak hakerek nudar arte. Mesmu natureza hakerek apa’ar ho kondisaun artisika, idea atu hakerek presija mos reforsa ho fator seluk, hanesan dada lia ho kolega no hemu kafe. Hemu kafe iha lokraik ou dader, tu’ur hamutuk ho kolega, halo diskusaun kama’an bele hamosu ideas barak. Idea sira nee sai nudar rekursu eloborsaun imajinasaun de arte. Imajinasaun ideas sira nee dala barak mai husi atividade loron-loron nia, buat ne’ebe mak ita halo sai referensia hodi hakerek, karik simplesmente hakerek bele mai husi diariu moris loron-loron nian.

Rajaun seluk atu hakerek, mai husi rajaun klean katak ita hakarak komunika ba ema seluk ho mensajen uniku, saida mak ita hakarak hatoo. Nune’e mos karik ita hakarak arquiva ita nia ideas esperensia moris loro-loron nian. Esperensia regular sira ne’ebe ita enfrenta sempre ho situasaun diferente maibe bele sai topiku no referensia hakerek. Esperensia hirak nee balun ho situasaun moruk, triste, tanis, balun ho emosaun ka nervosu, maibe balun ita hasoru ho kontente. Esperensia moris oin-oin lori ita hakat ba oin ho periodu moris ne’ebe mak avansa lao nafatin akompana ho moris loro-loron. Maibe kada periode, etapa por etapa, esperensia sira ita hakerek bele sai arquiva, ou museum kiik ida hodi fohanoin, ilustra ita nia vida esperensia sira.

Rajaun arquiva ideas sira klaru ona atu “relembra” ita nia atividade moris. Mesmu ita iha esperensia barak, maibe ita nia hanoin, kakutak dala barak labele akapta hotu esperensia moris lor-loron nian ho atividade ne’ebe ita halo. Tanba nee mak preserva esperensia sira sai nudar dalan diak ba ita, liu-liu ita tenke komesa ona hakerek, expresa kualker esperensia ne’ebe ita iha. Hahuu ho hakerek esperensia badak iha fola mamuk ruma, ou sebele hakerek iha blog no fahe ba kolega sira seluk.

Idea hakerek ho titulu “kafe no Hakerek” nudar ezemplu kiik ida ne’ebe mai husi esperensia iha semana ida nee. Kolega balun komesa kontaktu ona hau, husu hau nia hanoin oinsa atu hakerek? Sira mos husu oinsa bele hakerek no publika iha hau nia webcelso. Hau hata’an ba sira katak hau mos ema ida ne’ebe foin inisia hodi hakerek iha fulan hirak liu-ba, e kontinua aprende no aprende nafatin atu hakerek.

Ho rajaun oin-oin ne’ebe reforsa ita hodi hakerek. Komesa ohin no ba oin, hahu ona diskusaun, dadalia ho kolega, akompana ho kafe kopu ida bele hakerek ona. Kolelega sira, mai ita aprende hamutuk, motiva malu hodi kontinua hakerek. Hakerek kualker asuntu no idea saida deit mak ita enfrenta, liu-liu ita nia esperensia moris loro-loron nian.

Celso: Palapaso 22/6/2020

Published by Celso Da Fonseca

I'm just a dreamer who enjoys my freedom. Freethinker, free writer, and free dream.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: