Pós -Estadu da Emerjensia: Hamoris Vida ho Nu’u no Helik-an husi Autoridade Lokal.

Source: tatoli.tl/2019/04/04/

Depois estadu da emergensia datoluk remata iha 27 de Junu 2020, Timor-oan, komunidade, grupu vulneravel, no liu-liu grupu vendedor sira sente nudar naroman foun ida ba sira atu bele halao atividade normal. Ezemplu iha Dili laran, grupu vendedor sira komesa halao atividade empresa, fa’an ona sasan atu hetan rendimentu oituan.

Durante prevensaun COVID-19, kuaje iha teritoriu tomak aplika sitema locked-down (taka-an). Ho  situasaun ne’e, foo-mos impaktu ba vendedor sira. Hanesan sira sani iha GMNTV iha 26 de Abril 2020, hatudu katak estadu emergensia fo’o impaktu boot ba sira nia produtu tanba movimentu sirkusalasaun no atividade ekonomia paradu. Ho kondisaun ne’e fo impaktu socio-ekonomia ho ambitu multi domensional ba vendedor no povu ki’ik sira, especialmente impaktu ba vida moris sidadaun ne’ebe depende ho rendimentu fa’an sasan iha dalan ninin. Kuandu menus rendimentu bele fo impaktu ba sustenta uma laran, selu oan sira nia eskola, no impaktu ba nesesidade baziku seluk.

Iha fulan Junu nia rohan no Jullu 2020, too ohin loron, 13 Jullu, kazu ema mate husi virus corona ou COVID-19 ho numeru zero (laiha kazu mate). Situasaun ne’e reforsa politika governu atu re-ativa (open-up) husi lock-down no loke atividade cidadaun sira nia. Ho ida nee, vendedor sira komesa kontinua fa’an sira nia produtu iha merkadu nune’e mos iha dalan ninin no fatin ne’ebe governu determina.

Relasiona ho asuntu vendedor, iha artigu ida ne’e hau atu ilustra kazu kondisaun vendedor ida ne’ebe fa’an nuu iha dalan ninin. Iha dader, dia 13 de Jullu 2020, wainhira hau hakbesik ba gerobak (kareta ho roda tolu) ne’ebe nakuku ho nu’u nurak, besik jardin iha Tasi-ibun, Dili laran, hau sosa nuu ida ho folin 1$ atu hemu. Waihira hau simu nuu husi vendedor refere, nia matan sempre hateke ba sorin-sorin. Hau nota, karik iha buat ruma la loos. Depois hemu nuu, hau husu, “maun hateke ba saida”?. Vendedor nee hata’an, “hau hafuu hela (helik-an) husi polisia no funsionariu ou guarda, autoridade munispiu Dili tanba ora-oras tan sira mai duni ami, no hadau nuu sira nee”.

Ho koriouju tebes hau halo koversa badak ida ho nia (vendedor faan nuu) . Tuir buat ne’ebe hau akapta katak, durante tenpu emerjensia nia laran, sira labele halo atividade faan nu’u. Situasaun nee fo impaktu ba sira nia redimentu loro-loron nian. Tanba ne’e mak, iha situasaun pos-estadu da emerjensia, sai hanesan oportunidade osan mean ida ba sira atu bele fa’an nuu hodi rekopera sira nia rendimentu ne’ebe kuaje fulan 3 nia laran, sira lakon osan (laiha rendimentu). Maibe mehi atu hetan orsamentu satan netik ho regulamentu dekretu lei no kontrola husi munispiu Dili ne’ebe bandu kulaker atividade fa’an sasan iha dalan ninin.

Tuir informasaun ne’ebe esplika husi vendedor ne’e katak uluk, fulan hirak liu ba molok tama iha estadu da emerjensia, autoridade ne’ebe hamutuk ho polisia sira mai hadau sira nia sasan hodi labele fa’an iha area estrategiku hanesan iha jardin sira. Iha opsaun ida ne’ebe mak governu foo nudar fatin atu faan nuu mak iha area Tasi Tolu. Maibe Vendedor ne’e hatete katak Tasitolu lokaliza iha area iha cidade Dili nia ninin no la staratejiku atu fa’an nuu iha ne’eba. Tanba dook ema sei la ba sosa nuu too iha area ne’eba, tanba ne’e sira hakarak fa’an nuu iha area strateijku iha capital Dili.

Depois rona tia informasaun ida ne’e, hau kontinua buka referensia, informasaun relevante seluk iha internet. Hau deskobre katak, kuaje tinan hirak nia laran, governu lokal, munispiu Dili, sempre halo asaun bandu, hadau vendedor sira nia sasan tanba ho rajaun kontra lei. Responde ba asaun ne’e, iha defensor direitus umanus, ativista sira, grupu movimentu estudante sira sempre kontra malu ho autoridade lokal, hanesan sira halo hela funu malirin, tanba deit defende direitu vendedores sira hodi fa’an iha area capital no aktu hadau sasan.

Husi parte autoridade lokal ne’ebe uza forsa politika no lei hodi hasai vendedor sira hodi faan iha dalan ninin. Ezemplu forsa lei ida mak hanesan dekretu lei nu.33/2018 kona-ba ijiene no orden publiku”, ida nee sai rajaun hodi bandu vendedor sira ne’ebe halao atividade faan sasan iha capital Dili. No iha parte seluk, forsa politika nian mak rajaun liga ba imajen cidade, kapital Dili. Tuir imajinasaun elit boot sira katak Dili presija sai capital mo’os. Nune’e mos, informasaun husi vendedor faan nuu, nia hatete katak, autoridade local sira hakarak area stratejiku sira hanesan jardin ou besik fatin publiku no edefisiu principal governu nian tenke moos, tanba tuir lei no politika hodi governu nian hakarak Dili sai “mo’os husi foer: no vendedor sira ne’ebe “indetiku halo foer capital” labele fa’ansasan iha area refere  

Mesmu iha ona lei, regulamentu sira ne’ebe mak haruka vendedor sira labele faan sira nia sasan iha estrada ninin, governu lokal foo alternative seluk. Governu lokal munispiu Dili haruka vendedor sira fa’an nuu iha fatin (tasi Tolu) maibe area ne’e la stratejiku no atrativu atu tanba hare husi distansia, Tasi tolu dook oituan no iha cidade Dili nia ninin.

Ikus liu karik se alternativa atu fa’an iha Tasi tolu sai rekursu no decisaun ikus liu. Hau hanoin dalan diak ida mak governu, lei nain sira, elit politiku sira atu husik maluk vendedor sira iha situasaun COVID-19 nian laran, fo fleksibilidade atu sira bele faan sira nia produtu iha Dili laran iha tenpu situasaun hanesan nee, no sira labele sente faan sasan hodi hafuu malu ho autoridade local sira hanesan inimigu boot ida. Iha situasaun pos-estadu da emerjensia, vendedor kiik sira presija alkansa hodi rekopera sina nia rendimentu, hanesan mos governu agora fo pakote ajuda sosial hanesan politika atu rekopera impaktu konsekuensia ekonomia no sosial pos-estadu da emerjensia.

Celso da Fonseca, Dili, 13/7/2020

Published by Celso Da Fonseca

I'm just a dreamer who enjoys my freedom. Freethinker, free writer, and free dream.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: