Post Covid-19: Timor-Leste no “New Normal”

Jacques Luis Alves De Jesus Soares
Estudante Finalista iha Departamentu Relasaun Internasional-UNTL
Estudante Klasse Avansadu Direitus Umanus iha Ajar-Timor-Leste, Jacques.alves97@gmail.com/ +670 77733926

Timor-Leste mos nudar nasaun ida husi nasaun sira iha mundu ne’ebe afetado husi virus COVID-19 hodi halo governu Timor-Leste tenki deklara Estadu Emerjensia ka “lockdown”. Maibe ikus mai Timor-Leste konsege kombate ka luta hasoru pesti ka moras a’at ida ne’e. Hodi halo Timor-Leste sai nudar nasaun balun ne’ebe konsege livre husi surtu COVID-19. Hafoin Estadu Emerjensia remata, kuaze fulan ida Timor-Leste seidauk rejista kazu foun husi COVID-19 no seidauk detekta kazu transmisaun ruma husi surtu ida ne’e iha komunidade nia le’et.

Ho Estadu Emerjensia remata, Timor-Leste hahu normaliza fila fali atividade sira ne’ebe durante ne’e suspende hela iha periodu Estadu Emerjensia nian, hanesan reativa fila fali ensinu aprendijazen sira, atividade ekonomia sira no movimentasaun populasaun no transporte nian. Maibe nafatin kumpri medida prevensaun COVID-19  husi Organizasaun Mundial Saúde (OMS) nian: Fase liman beibeik, Uza maskra no mantein distansiamentu fiziku ka hamrik ho distansia metru 1 husi ema seluk. Ho situasaun ida ne’e halo Timor-Leste tenki hatoman a’an hodi moris ho “New Normal”.  

Em jeral konseitu husi “New Normal” iha ninia signifikadu no kontextu ne’ebe komplexu ne’ebe abranje aspetu oioin. Hanesan Mardigu WP hatetenkatak “New Normal mak mundu dijital. Governasaun mundial foun mak mundu dijital, ekonomia dijital, pagamentu dijital, vida dijital.[1]

Normalmente konseitu “New Normal” nudar  termu idiomatika ne’ebe uza hodi refere ba mudansa signifikante husi situasaun atual ne’ebe mak mosu ka akontese hela. Termu ida ne’e uza ona hafoin krize finanseiru iha 2008-2009, após reseisaun global iha 2008-2012 no pandemia COVID-19.[2]

No “New Normal” iha kontextu COVID-19 nian katak ita tenki hatoman a’an moris ho toman foun balun ne’ebe moras COVID-19 husik hela mai ita, hanesan: hamriik do’ok husi ema seluk mínimu metru ida ho balun; kumprimenta malu la presija bensa liman, la presija kaer liman, la presija hakuak malu ka rei-malu; uza máskara; fase liman beibeik ho sabaun ka uza dezinfetante liman nian no la presija sai husi uma wainhira la presija tebes”.[3]

Hafoin post-covid iha Timor-Leste ka livre husi surtu COVID-19, governu komesa normaliza no reativa hikas fali atividade sira hanesan hahu fila fali ensino apredijazen (Ensino Primaria to’o Ensino Superior), atividade relijioza komesa reativa fali, atividade ekonomia komesa lao fali.

Ho reativa no normaliza fila fali atividade hirak ne’e, pesoal observa katak populasaun Timor-Leste barak mak seidauk prontu atu moris ho “New Normal” ne’ebe mak surtu COVID-19 husik hela mai ita. Ita bele haré katak ema komesa halibur malu fali hodi haluha no la halo tuir medidas prevensaun husi OMS nian, hanesan laiha distansiamentu fiziku, la uza máskara, kumprimenta malu ho kaer liman, hakuak no rei-malu, komesa ignora atu fase liman, i.e. ema komesa fali ona halo festa hodi la kumpri distansiamentu fiziku no sosial, iha selebrasaun missa ne’ebe sarani barak la halo distansiamentu fiziku, laiha uza máskara no mos iha merkadu no ofisina hadiak motor ema balun ne’ebe ignora atu fase liman. Faktus hirak ne’e hatudu katak ema barak mak seidauk prontu moris ho “New Normal”. Tuir pesoal  buat hirak ne’e akontese tamba kustume ema sira iha rejiaun Asia, inklui Timor-Leste ne’ebe gosta halibur malu ka buka rame no mos konsiensia husi ita rasik ne’ebe mak la tau importansia ba medidas hirak ne’e. 

Ikus liu,  atu remata artigu badak ida ne’e atu hateten katak maske to’o iha momentu ida ne’e Timor-Leste livre husi surtu COVID-19 no seidauk rejista kazu foun COVID-19 ka seidauk identifika kazu transmisaun iha komunidade la signifika katak surtu COVID-19 ida ne’e lakon ona hodi ita la kumpri no halo tuir medidas prevensaun sira husi  OMS nian. No, ita hotu tenki hatoman a’an moris ho “New Normal” to’o bainhira vasina husi virus ida ne’e hetan ona husi sientista sira.

Iha artigu ida ne’e, hakerek –na’in la reprezenta instituisaun ruma maibe ida ne’e nudar sidadaun ne’ebe expressa hanoin bazeia ba KRDTL. No mos hakerek-na’in agradese ba sujestaun no kritika sira husik maluk leitor sira.”

Artigu nee publika ona diariu timorpost, bele hare iha link nee: http://diariutimorpost.com/2020/07/13/5882/


[1] Mardigu WP (2020). JANGAN HALANGI GENERASI MUDA BERKARYA. Asesu iha pajina ofisial FB husi Mardigu WP.

[2] https://en.m.wikipedia.org/wiki/New_normal_(Economic)

[3] Rui Araújo (2020). Timor-Leste tenki hatoman a’an moris ho “normalidade foun”. Asesu iha facebook husi Sentru media-COVID-19 nian.

Published by Celso Da Fonseca

I'm just a dreamer who enjoys my freedom. Freethinker, free writer, and free dream.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: