Oinsa Timor-Leste kore-an husi Dependensia Aihan?

Artigu ne’e esplora opinian privadu kona-ba soberania aihan iha Timor-Leste. Objetivu husi artigu nee mak atu fahe informasaun ba le’e na’in sira relasiona ho preukupasaun Timor-oan nian kona-ba inserguransa aihan liu-liu iha situasaun krize, surtu COVID-19.

Husi: Leovogildo Belarmino

Foto antigu, hasai iha momentu tuir formasaun PERMAKULTURA iha Golden Bay, New-Zealand iha 2019.

Situasaun Covid-19 ne’ebé afeita ba nasaun barak iha mundu inklui mos Timor-Leste ne’ebé implementa Estadu Emerjénsia nudar asaun preventiva hodi hases povo husi propagasaun virus corona. Ho kondisaun ida ne’e, asuntu ida ne’ebé sai problematiku iha Timor-Leste mak infusisiensia aihan. Kuaze uma kain hotu preokupadu ho asuntu ida ne’e, ema balun mós temi problema inseguransa alimentar bele fó ameasa ba vida moris se propogasaun virus ne’e kontinua eziste iha ita nia rai.

Husi peokupasaun hirak ne’e, intensionalmente hakerek nain hakarak koko analiza profundu oiutaun saida los mak konseitu husi seguransa aihan ne’ebé ema barak mos seidauk komprende didiak ninia konseitu no implikasaun sira ba dezenvolvimentu agrikultura iha Timor-Leste.

Iha ema barak mos konfunde kona-ba seguransa aihan ne’ebé ita nia governu liuhusi Ministerio de Agricultura, Floresta e Pescas adopta iha Timor-Leste no soverania aihan ne’ebé mak hamosu iha Taxcala-Mexico 1996 liuhusi la via campesina no ninia implikasaun ba ita nia nasaun ne’ebé halo pratika agrikultura subsistensia nomos dependensia aihan husi korporasaun nasional no internasional sira. 

Hafoin Timor-Leste restaura ninia independensia iha 2002, ita enfrenta situasaun difisil hodi determina ita nia sistema agrikultura iha Timor-Leste nune’e ita mantein nafatin ho sistema ne’ebé Indonesia husik hela mai ita. Adaptasaun ba sistema ne’ebe tuir kondisaun real toos nain sira lakon ona hanesan sistema tradisional ne’ebe ema barak bolu “agrikultura subsistensia”. Mudansa boot ne’e mai kedas husi tempu okupasaun kolonialista sira ne’ebé okupa pensamentu toos nain rasik iha tinan naruk nia laran.

Iha tempu United Nations Transition Administration for East Timor (UNTAET), laiha mudansa ba sistema refere, mantein ho buat ne’ebé Indonesia husik ba Timor, apoiu aihan “fast-food” sira ne’ebe ita hetan husi nasaun doador sira nudar asaun karidade ne’ebé baibain Nasoens Unidas ba nasaun pos-konflitu sira iha mundu, inklui Timor-Leste. Timor-Leste hasoru inseteza boot no skeptiku atu hatur Maubere oan sira ninia mehi lolos ba ukun rasik-an ho ninia karáter rasik atu independente husi forma oi-oin husi kolonialista sira nia pensamentu. Liu-liu iha sistema halo to’os ho natar laiha mudansa boot, sei utiliza nafatin sistema tradisional ne’ebé ninia rezultadu sufisiente deit atu fó han ba familia uma laran no tendensia atu buka lukru mínimu tebes.

Artigu kompletu bele le’e iha link ne’e:

Published by Celso Da Fonseca

I'm just a dreamer who enjoys my freedom. Freethinker, free writer, and free dream.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: