Feliz Natal no Ano Novo 2021: Apresiasaun ba hakerek nain no le’e nain sira.

Celso da Fonseca, WebCelso Editor no Admin

Tinan 2020 sei remata orsida kalan, liu husi oportunidade ida nee web-editor no admin <Web_Celso> hakarak hatoo apresiasaun ba maluk hakerek nain no le’e nain sira ne’ebe sempre kontribui hakerek no lee iha pajina website www.webcelso.net. Web ida nee funda iha Marsu 2020, eziste iha momentu situasaun moruk, wainhira COVID-19 mosu iha Timor-Leste. Nudar maneira komunikasaun ho artigu oi-oin sira ne’ebe publika, web ida nee akumula opiniaun oi-oin relasiona ho asuntu sosial, politika, ekonomia no kultural iha rai laran.

Opiniaun no artigu sira ne’ebe publika ho tipu no karakter (freestyle writing), ho jeitu hakerek livre maibe nafatin lao tuir modelu no prinsipiu imparsialidade, onestidade no atual, bazeia ba faktus.article-rates

Ohin ita ultrapasa ona ita nia vida tomak iha situasaun ne’ebe difisil, 
ita nafatin ho saude diak no espiritu bo’ot hodi apoiu posesu konstrusaun estadu
Republika Demokratika de Timor-Leste (RDTL). Ami fiar katak, karik kontribusaun hirak ne’e ita bele prenxe liu husi atividade hakerek no lee opiniaun konstrutivu sira ne’ebe publika iha webcelso. Ho ida nee bele aumenta tan dinamika tradisaun hakerek no lee kritiku konstrutivu sira iha ita nian rai Timor-Leste.

Iha biban ida nee, lahaluha, hau hatoo obrigado wain ba lee nain sira tanba liu husi imi nia vontade hodi le’e artigu sira ne’ebe publika iha webcelso, no komentariu kritiku sira kontribui ona vontade hakerek nain sira hodi kontinua hakerek, no hau fiar sei kontinua nafatin vontade sira nee iha futuru oin mai.

Durante fulan 10 nia laran, mesmu ita iha situasaun susar nia laran maibe
nafatin iha vijitante ne’ebe kontinua lee artigu sira iha webcelso, no nia
rezultadu hatudu katak iha total lee nain hamutuk 4608 ne’ebe mak lee ona artigu sira ne’ebe publika iha webcelso. Husi numeru ne’ebe mak mensiona, lee nain sira mai husi kiaje 50 pais, inklui Timor-Leste ne’ebe ho numeru lee nain boot liu ho
total 2834 vijitante.web-visitor-1

Artigu sira ne’e ami konsidera seidauk sai perfeitu, iha frakeja barak ne’ebe presija hadia diak liutan liu husi ita boot sira (lee nain) nia kontribusaun ho komentariu kritiku konstruktivu sira. Ho espiritu no vontande boot, espera tinan oin maluk hakerek nain sira sei kontinua kontribui iha pajina webcelso, no aumenta tan hakerek nain foun no lee nain sira.

Ikus liu, hau hakarak hatoo Feliz Natal no Ano Novo 2021 ba ita hotu,
liu-liu ba lee nain sira ne’ebe mak durante nee sempre akompana artigu,
opiniaun no reflesaun sira ne’ebe ami publika.

Web Admin

Celso da Fonseca

Palapasu, 31/12/2020

 

Published by Celso Da Fonseca

I'm just a dreamer who enjoys my freedom. Freethinker, free writer, and free dream.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

<span>%d</span> bloggers like this: