Vasina AstraZeneca no konsentimentu informado ba ema ho defisiensia

http://www.tatoli.tl/2020/08/07/governu-esforsu-atu-haree-ema-ho-defisiensia-iha-aspetu-hotu/

Bazeia ba informasaun ne’ebe rekola husi media Dili-post iha 22 de Marsu 2021 katak, tuir planu governu Timor-Leste, sei prepara skema vasinasaun ba cidadaun iha tempu badak nia laran ho produtu AstraZeneca. Nudar pais ki’ik iha rejiaun Asia Pasifiku no Sudeste Aziatiku, Timor-Leste mos hetan benefisiu husi produtu no fasilidade COVAX tanba durante nee rejistu ona sai membru. Mesmu produtu vasinasaun AstraZeneca, hafoin fulan hirak liu ba sai polemika, maibe governu Timor-Leste kontinua deside utiliza vasina ida ne’e, mesmu too agora seidauk iha informasaun ka esplikasaun tekniku ne’ebe klaru kona-ba vantajen no impaktu negative husi produtu nee.

Asuntu kona-ba obrigasaun estadu atu fahe informasaun adekuadu ba cidadaun hotu-hotu, liu-liu direitu asesu ba esplikasaun, vantajen produtu COVAX, vasina AstraZeneca, no tanbasa mak vasina sai dalan uniku no ikus liu hodi salva cidadaun sira nia vida husi virus Corona. Publiku, ema hotu-hotu inklui ema vulneravel sira hanesan ema ho defisiensia hein informasaun klean husi governu. Mesmu kazu konfirmadu hamutuk ho tinan kotuk nian seidauk liu 500 pesoas, no too agora seidauk iha kazu ema mate. Ho situasaun ida ne’e Timor-Leste konsidera nudar pais ne’ebe ho susesu mitiga ka reduz espalamentu moras ida ne’e. Maibe susesu ida ne’e laos too iha ne’e deit, tanba luta hasoru COVID-19 no inklui oinsa konvense, atualiza informasaun kona-ba vasin AstraZeneca seidauk klaru ba cidadaun hotu-hotu.

Relasiona ho vasianasaun no mekanismu prevensaun ba COVID-19, iha eskala global, informasaun ba cidadaun atu komprende no konsiente ba kualker ligasaun ho prevensaun inklui produtu vasina sai hanesan konsume publiku ne’ebe esensial. Informasaun hirak ne’e ema hotu-hotu iha direitu atu asesu ho tranparante no efikaz. Ida ne’e akontese iha pais dezenvolvidu sira, ho maneira no plataforma oi-oin, estadu prepara no espalla informasaun adekuandu ba nia cidadaun sira atu hili no deside ho konsiete ba produtu vasina ne’ebe sira sei simu.

Iha pais sub-dezenvolvidu ka pais ne’ebe ki’iak sira iha mundu, ema barak mak ladun asesu ba informasaun adekuadu, saa’tan governu dala barak ladun ho konsiente esplla informasaun ho klaru kona-ba mekanismu vasinasaun, oinsa vasina nia vatanjen ba populsaun no impaktu negativu sira, inklui produtu vasina ne’ebe sei hili no uja. Aleinde tanba ladun iha transparansia, populasaun barak mak ladun asesu ba informasaun kredivel sira, liu-liu iha era digital, maioria informasaun hatoo liu husi plataforma online ka media eletroniku sira. Situasaun ida ne’e la fo vantajen ba ema vulneravel sira, liu-liu ba ema ho defisiensia sira.

Relatoriu oi-oin ne’ebe revela husi peritus sira, akademiku no sosiedade civil hatudu katak ema ho defisiensia mak sai hanesan grupu vulneravel liu ba iha situasaunpademia COVID-19 mundu tomak enfrenta dadak. Grupu sira ne’e dala barak hetan diskriminasaun oi-oin tanba deit sira nia vulnerabilidade no iha negligensia politiku publiku ne’ebe la fo vantajen ba sira.

Tuir rekomendasaun husi International Disability Alliance – ne’ebe representa ema ho defisiensia husi nasaun hotu-hotu iha mundo tomak rekomenda katak, tanba ema ho defisiensia nia vulnerabilidade, nasaun hotu-hotu iha mundu “ presija uja plataforma inklusivu ba kualker decisaun politiku ne’ebe relasiona ho COVID-19”. Partikularmente, planu no implementasaun utilizasaun vasina no sosializasaun ba komunidade kona-ba vasina presija halo iha maneira inklusivu. Asaun konkretu diak ida mak presija dezenu planu politiku bazeia ba nesesidade diferentu husi tipu ema ho defisiensia oi-oin. Importante liu ba politiku nain sira atu uja maneira informasaun asesivel no kompensivel ho konsentimentu informado ba ema ho defisiensia no grupu manjinilidadu sira seluk.

Nune’e mos UNOHCR realsa iha sira nia relatoriu katak vasina COVID-19 tenke trata nudar bem estar publiku. Ida ne’e hatudu katak prosesu hotu-hotu, hahuu husi preparasaun, sosializasaun no implementasaun vasina masal presija halao iha maneira transparante, asesivel, egual no laiha diskriminasaun. Involvimentu ema hotu-hotu, partikularmente feto, grupu etniku, entidade husi relijiaun hotu-hotu, ema indígenas, grupu LGBTI, ema ho defisiensia, migrante sira, no ema hotu-hotu nudar umanu.

Iha Timor-Leste, prátika  ignorânsia no diskriminasaun kontra ema marjinilidadu a’as tebes ho numeru persentajen boot. Obviamente, iha situasaun pandemia COVID-19, ema ho defisiensia barak mak hetan diskriminasaun no lahetan tratamentu igual inklui direitu asesu ba informasaun COVID-19 menus tebes. Unidade Direitus Umanus ONU iha Timor-Leste (UNHRAU ), aponta sira nia peskija ne’ebe la publika (un published report) hatoo iha workshop iha Kompaun ONU fulan hirak liu ba, sira halo rekolamentu dadus kona-ba impkatu COVID-19 ba ema ho defisiensia no sira nia familia, relatoriu ne’e revela informasaun ho dadus balun katak iha tinan 2020, maioria ema ho defisiensia hetan impaktu negativu COVID-19, laos tanba deit sira nia vulnerabilidade maibe tanba sira lahatene informasaun husi portador de dever (duty bearer) oinsa halo prevensaun, mekanismu protokolu halo distansia sosial.  Reultadu peskija nee mos hatudu katak,  maioria ho 70 percentu ema ho defisiensia lahetan informasaun husi fasilidade governu ka media publiku sira, maioria sira hetan informasaun kona-ba COVID-19 liu husi sira nia familia iha uma laran, ka vizinu ka kolega sira. Ba ema ho defisiensia ho tipu problema kolia no rona, sira vulneravel tebes tanba laiha fasilidade lian jestual iha area rural, inklui ema ho defisiensia matan, sira susar tebes atu asesu ba informasaun kona-ba COVID-19 nian.

Hare ba esperensia ne’ebe mak akontese iha tinan kotuk, nune’e mos diskriminasaun ba ema ho defisiensia, tratamentu la egual no laiha planu informasaun inklusivu kona-ba maneira prevensaun ba COVID-19 nian hamosu esperensia moruk bae ma ho defisiensia, liu-liu sai kestaun bo’ot kona-ba sira nia direitu atu asesu bainformsaun sira nee la konsege realiza no fornese ka hakonu husi estadiu Timor-Leste. Governu falla hodi dezena politika partisipasaun inklusivu, liu-liu dezemina informasaun inklusivu bazeia ba tipu ema ho defisiensia oi-oin.

Iha parte seluk, klaru tebes ona, liu-liu relasiona ho dadus ema ho defisiensia ne’ebe revela husi peskija iha nivel railaran no iha nivel global reforsa argumentu importansia politika inklusaun kona-ba COVID-19. Relasiona ho planu vasinasaun ne’ebe sei implementa iha fulan hirak oin-mai, tenpu aumeta ba bebeik, maibe too agora seidauk iha sinal positivu ida oinsa governu halo preparasaun no sosializa utilizasaun vasina ba sidadaun sira, liu-liu informasaun adekuadu ba ema ho defisiensia ho maneira transparante, asesivel, agual no laiha diskriminasaun.

Tanba ne’e karik seidauk tarde liu, iha tenpu badak nia laran, governu presija hakbesik ona ba organizasaun ema ho defiiensia sira ne’ebe eziste iha nivel nasional no munispiu, organizasaun inklui individu ka grupu ema ho defisiensia, sira presija involve iha politika intervensaun vasinasaun COVID-19, tau iha planu pakote dezeminasaun informasaun inklusivu ba ema ho defisiensia ho tipu oi-oin, hodi nune’e sira bele hola parte, dezenu stratejia sosializasaun vasina ba ema ho defisiensia sira iha Timor laran tomak.

Celso da Fonseca, Palapaso, 23/3/2021

Published by Celso Da Fonseca

I'm just a dreamer who enjoys my freedom. Freethinker, free writer, and free dream.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

<span>%d</span> bloggers like this: