Mensajen ba loron referendu, konsulta populár 30 Agostu.

Mensajen ba loron referendu, konsulta popular husi maluk Timor-oan sira

Loron istóriku atu determina futuru Timor-Leste nian nu’udar Estadu soberanu hahú ona iha tinan 22 liubá. Tuir loloos, loron ne’e mós hanesan loron reflesaun hostoriku nia ne’ebé hamoris vitoria povu Maubere hanesan iha tinan 1999, ne’ebé monu duni iha loron 30 Agostu. Maibé iha tinan ida-ne’e, maske situasaun pandemia Covid-19 ne’ebé akontese iha mundu tomak inklui Timor-Leste, no kria ona istória seluk kona-ba oinsá Timor-oan sira selebra loron referendu nian iha uma ho sira-nia família, hela iha situasaun moruk hanesan nee.

Iha Timoroan barak, selebra loron referendu ida ne’e, no simplesmente fó-hanoin fila-fali kona-ba oinsá sira-nia terus, luta ba independénsia hodi termina liu husi akordu koletivu ho votasaun Populár. Iha tinan 1999, maioria Timor-oan sira, ho besik rihun 400, no kuaje porsentu 75 deside atu rejeita opsaun autonomia ne’ebé Governu Indonésia oferese no hili atu harii nasaun foun ida.

Ho rezultadu ukun-an, kaer kuda talin rasik, ohin ita haksolok ho vitória ba rezultadu kontratu sosiál ida-ne’e, ne’ebé Timoroan barak liu mak hakarak harii nasaun demokrátiku ida, ne’ebé hanaran Repúblika Demokrátika Timor-Leste (RDTL). Agora ita iha sosiedade ida-ne’ebé livre iha nasaun ida-ne’ebé joven, demokrátiku. Maski iha dezafiu barak ne’ebé presiza ultrapasa no rezolve, maibé sidadaun sira ne’ebé iha vontade di’ak atu goza nasaun ne’ebé livre sei sai realidade ne’ebé ita hotu goza agora.

Iha situasaun Moruk ida-ne’e, hamutuk ho heroi, veteranu sira, inan-aman, maluk foin-sa’e Timor-oan sira no sosiedade Timor-oan hotu, ita selebra loron espesiál iha 30 Agostu. Maske ita hela iha situasaunne’ebe ho konfinamentu obrigatoriu tanba surtu COVID-19, maibé atu selebra momentu importante ne’e, ita sei bele halo ida-ne’e liu husi dalan barak ne’ebé posivel. Nune’e, iha ne’e iha mensajen badak husi maluk Timor-oan balu ne’ebé balun hakarak fahe sira-nia gratidaun ba celebrasaun loron ida ne’e.

“Obrigada ba tia-tio, ama-apá no avo sira hotu ne’ebe la’o ain, uza ai-tonka, hamriik firme iha loron mean manas. Imi ne’ebe ho imi nia fuan, hili ona UKUN RASIK AAN, imi vota ona mai ami nia moris diak”<Rose Mary>

Iha 30 de Agosto de 1999, sai loron esperansa ba Timor Oan hotu atu determina distinu Nasaun nian no hakotu sofrimentu oi-oin iha opresaun kolonializmu nia ukun. Referendum mak dalan ba paz, justiça lia los no harmonia sosial. Referendum hahoris biban liberdade ba ema hotu atu hetan tratamentu dignu liu husi partisipasaun direita no inkluzivu iha Eleisaun. Eleisaun mak produs poder politiku Ho poder politiku mak bele garante estabilidade. No ho estabilidade mak bele resulta desenvolvimentu ida sustentavel ba Nasaun no povu tomak.   , Viva Povu Doben Timor leste, hamutuk ba hodi desenvolve Timor leste sai furak no nabilan, diferensia laos solusaun ba prosesu, uniku konsensus mak alternativu ba konkista ita nia vitoria abraços Hosi : <Francolin da Silva Gusmão.>    

Parabens espesial ba inan-aman, Maun bin Sira hotu Mak fo ONA Vitoria ba Timor Leste liuhosi ‘konsulta popular’ idane’e imi no imi Nia oan no beioan Sira iha Direitu ba Moris dignu iha Rai ne’e. <Falumalai>

Parabens profundo no dedikasaun espesial no honra ba Timor Leste puro nebe hili Ita nia Rain ba hetan ona Autodeterminasaun. Luta naruk habadak ho imi nia Lian/votus. <Dom Vieira Barros>

30 Agosto loron neebe importante determina destinu Timor-Leste nia sai nasaun suberanu no povu ukun rasik nia an. Husi dezisaun povu nia nee povu harii Estadu direitu no demokratiku nebe sai fundamentu tuir konstituisaun. Chega! ba deskrimanasaun tamba estatutu sosial, ras, etniku no relijiaun, diferensia politika no mos istoria pasadu. Parabens ba loron determinasaun ukun rasik, nasaun ida no jerasaun ida deit mak Timor oan. Viva Povu Timor-Leste  . Sancho Lequimata

Hahu husi tuku 7 dader to tuku 3 lokraik iha loron 30 fulan Agusto tinan 1999 povo Timor Lorosae ho idade tinan 17 ba leten husi Tutuala to Oecusse no husi Aturo to Betano desidi Futuru Timor Lorosae sai Nasaun Independente PARABENS ba Povo Timor Lorosae. Obrigado ba UN liu husi nia mission UNAMET <Felix B Pereira P>

Parabens ba Povu TL tomak liu liu ba Martires da Patria nebe sakrifika nia moris tomak hodi luta ba independensia rai nee nian. Loron ida nee sai loron determinansaun ba povu nia mehi no luta ba ukun rasik an. <Saltyn>

Finalidade husi ukun an lolo’os mak, povu maubere ho pregu hodi vota ba auto-determinasaun, iha persigisaun barak ne’ebé povu maubere sira rezisti hodi kontra mahukun opresor, invazor no koloniliazador sira nia liman kroat, nune’e ita menan vitória liu husi Konsultasaun Populár, 30 de Agustu. Reflesaun ba auto-determinasaun ida ne’e mak ita hare’e ba pasadu hanesan lisaun ida atu ita sai konsiente iha prezente hodi la bele habeik tan povu maubere, kria injustisa klase sosiál, hamatak, no ida ne’e la fo fatin tan ba koloniazor no estadu opresor sira iha sistema demokrasia kapitál ohin loron, ne’ebé haktaka povu maubere nia matan hodi la senti lolo’os finalidade husi ukun komun ida ohin loron. Tempu ona atu povu maubere moris hias husi mahukun klase elit sira no kolonizador sira.<Basilio Madeira>

Parabéns ba loron Konsulta Popular 30 agosto 1999, loron no tempu ne’ebé difísil, povu tomak aten brani hodi desidi Timor-Leste nia determinasaun ba Ukun rasik an. Viva Timor-Leste! <Mata Pereira>

Referendum fo hanoin mai ita atu sai hanesan luta nain sira ne’ebé mate ba URA, foti ita nia an-ho Pensamentu revolusionariu, konsiensia revolusionariu, vizilansia revolusionariu, no pratika revolusionariu ba Povu, Estadu no Nasaun. <Guerson Ribeiro>

Loron ida ne’e maka povu Timor Leste aten brani hodi ba ezerse sira nia direitu iha centro votasaun, maske iha presaun, tauk nia laran, maibe sira aten brani ba nafatin ho mehi ida katak Timor sei ukun Rasik Aan! Povu maka nain ba independência, povu mak herói ba independência husi povu maka ita hetan independesia Lolos! Parabéns ba povu Timor Leste! <Edna>

Kadalak libur mutuk fila we Inan.we inan fo Moris fo forca Oemar iha loron 30 Agostu 1999 ho Aten brani no Taka matan,ba kilat tutun Inmigu nian.hakbesik an iha Centro votasaun hotu hodi deside ho fuan nebe matenek,mate ka Moris ukun rasik An liman ain mamar,hetok at liu hare soldadu Indonesia sira maibe fiar metin iha Maubere loriku asu waen,hodi hein novidades diak nbe iha 30/8/1999 <Ameta no Amada>

Kadalak libur mutuk fila we Inan.we inan fo Moris fo forca Oemar iha loron 30 Agostu 1999 ho Aten brani no Taka matan,ba kilat tutun Inmigu nian.hakbesik an iha Centro votasaun hotu hodi deside ho fuan nebe matenek,mate ka Moris ukun rasik An liman ain mamar,hetok at liu hare soldadu Indonesia sira maibe fiar metin iha Maubere loriku asu waen,hodi hein novidades diak nbe iha 30/8/1999

PREGU LULIK: 30 Agostu fulan ida ne’ebe nakonu ho taridu fuan fekit ho taridu hodi reza tersu iha uma lidun lidun inimigu hahu hafuhu hodi tesi kotu sé mak hili REFERENDUM Maibé lulik matebian hatudu lia lós hader tarutu hakarak ka lakoi Maubere hili destinu liu husi REFERENDUM
Liman iha pregu matan been sulin ba votu
Tuu ho lulik
Tuu ho halerik
Tuu ho hamulak
Tuu ho orasaun
Tuu husi Loro sa’e to’o Loro monu
Tuu husi mundu nia rohan to’o Timor nia fuan
Tuu husi lulik Ramelau,Kablaki no Matebian
Tuu ho manán
Atu Timor nakfilak sai naroman
Tuu ho manan
Atu Timor hadeer husi Ahi kdesan
Pregu lulik, pregu destinu
Ha’u tuu duni ba ó nia destinu
Otonomi mak lae duni
Referendum mak hau tuu duni
Viva Timor
Viva Timor
Viva Pregu Lulik

<Jean Wera Shyoda>

Published by Celso Da Fonseca

I'm just a dreamer who enjoys my freedom. Freethinker, free writer, and free dream.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: