Lalatalak “protagonista” no “antagonista” Helik iha espulsaun knua Arte Moris.

Arte moris, fatin historiku ba grupu artisita sira laos sai ona uma mahon ne’ebé armoniozu, loke espasu ba maluk joven sira atu forma sira nia talentu artistiku sira. Fatin ne’e, Hanesan fatin deprivasaun ba direitu ema kbiit-laek sira-nian husi elite ukun-nain sira iha rai ida-ne’e. Grupu elit politiku isra ne’ebé tuir loloos ita foti sira nu’udar grupu protagonista, sai hanesan liña Frente ba ita-nia interese komún, auto-determinasaun ohin nakfila-an sai antagonista. Ohin iha grupu artista balun hatoo mensajen solidaridade ba fatin Arte Moris ne’ebe sei mout iha tenpu badak. Hau akapta mensajen husi puzia furak ida hatete katak “Heroi sai trainador no traidor sai heroi”.

Kestaun kona-ba espulsaun ka duni sai grupu Arte Moris hodi sai husi sira nia fatin sai hanesan topiku namanas iha loron hirak ne’e. Aktu obrigatoriu ne’e organiza husi Governu atuál no diskute ona iha fulan balun iha tinan ida-ne’e, 2021. Ohin, sai hanesan momentum ikus ba sira, tenke luta hasoru forsa Estadu nian hodi defende fatin istóriku ida-ne’e.

Oras ne’e sai observasaun publiku katak Estadu uza nia podér atu halo koerzaun ba artista sira-nia vida moris iha fatin ne’e. Situasaun amesadu ne’e mai husi apoiu bourgeoisie balun, liu husi grupu interese ne’ebé mak lidera Governu atuál. Sira-nia interese ne’ebé helik hela iha sira nia decisaun politika tenke obriga Arte Moris husi sira-nia uma mahon ne’ebé sira hela iha ne’ebá kuaze tinan barak nia laran ona. Realidade husi eviksaun ne’e hafalun decisaun politika ba grupu arte moris mai husi Ejijensia maluk luta-nain sira (veteranu) Timor-Leste hodi okupa fatin istóriku arte nian nu’udar sira-nia eskritóriu.

Loos duni, iha nasaun ida-ne’e, bainhira ita rona veteranu sira-nia naran, ema hotu sei la hakfodak, tanba sira mak sai hanesan aman nolutu ba nasaundesde husi ita nia funu naruk iha 1975 too ita ukun-an iha okupasaun rezime Indonesia nian. Nu’udar grupu ida-ne’ebé iha priviléjiu bo’ot ba asesu servisu sosial, ekonomia inklui subsídiu oi-oin ba sira nia-an no familia sira. Aleinde ne’e, iha tinan hirak liu-ba, sira nia prezensa hanesan grupu elite ne’ebé iha kotas ka priviléjiu projetu dezenvolvimentu husi Estadu nian ho osan povu Timor-Leste nian iha orsamentu nasional.

Iha Timor-Leste ema hotu hatene grupu funu-na’in “veteranu”ne’ebé mak sai hanesan asuwa’in iha nasaun ne’e. Sira nia kontribuisaun bo’ot tebes ba istória luta kontra okupasaun ilegál Indonézia nian hahú husi tinan 1975. To’o iha1999 ho objetivu ida de’it ukun rasik-an. ” Direitu atu deside povu Timor-Leste nia destinu atu sai nasaun ida sai ajenda uniku iha sira nia luta. Aleinde ne’e, sira-nia sakrifisu hotu ne’ebe halo ona sai hanesan eroi no privilejiu veteranu, luta hodi proteje Timor-oan sira husi inimigu nia liman.

Nu’udar Timor-oan, ita hotu sente orgullu ba ita nia eroi sira, veteranu sira-nian ne’ebé sai protagonista ne’ebé sakrifika sira nia isin no klamar atu proteje sira-nia maluk timoroan sira.

Maibé ohin loron, ha’u-nia matan-been monu derrepente de’it, tanba ha’u hanoin katak ha’u-nia eroi ne’ebe sai Defensór direitus umanus, luta ho revolusaun radikal ba povu ki’ik nia interese ne’ebé ita konsidera hanesan “progonista” iha istória konstrusaun Estadu RDTL muda ona sai grupu antagonista. Ohin, tristeza sira ne’e hato’o hosi grupu Solidariedade ho knananuk impresaun krtiku oin-oin, satánire, múzika solidariedade no mós puizia oi-oin. Husi poezia ida-ne’ebé hau akapta iha ha’u-nia tilun, hau rona ida ne’e “husi traidor sai eroi no heroi sai traidór” homesajen simples ida-ne’ebé hatudu katak heroi balun ne’ebé uluk sai asuwa’in troka kór ba egoizmu, materializmu, individuál, sai traidór. Karik poet aka muzika ho liafuan kritiku ida ne’e lo’os kompara ba situasaun real ne’ebe maluk Arte Moris sira enfrenta dadauk?

Ho konfuzaun, triste maibé nafatin hau hakarak koko atu komprende ideia asaun machiavellian ida-ne’e, saida mai naksubar hela iha nia kotuk?

Ikus liu, ha’u hakarak hato’o de’it ha’u-nia sentidu ho mensajen solidariedade kle’an ba ha’u-nia maluk Timoroan sira (Arte Moris) ne’ebé oras ne’e luta hela ba sira-nia direitu ba fatin propriu atu  utiliza ba sira-nia atividade artístika ne’ebé Governu obriga atu uza no duni sira sai husi husi fatin Arte Moris.

Published by Celso Da Fonseca

I'm just a dreamer who enjoys my freedom. Freethinker, free writer, and free dream.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: