Polítika kartaun vasina: Liberdade movimentu, rekoñesimentu sosiál no autorizasaun ba servisu

Polítika kartaun vasina konsidera nudar dalan úniku atu hetan liberdade movimentu, rekoñesimentu sosiál no autorizasaun ba servisu. Oinsá ho cidadaun sira ne’ebé lakohi simu vasina? Sira iha direitu hanesansidadaun sira seluk ka lae?Lee opiniaun badak iha kraik ne’e.

Timor-Leste nu’udar nasaun ki’ik ida iha Sudeste Aziátiku, hanesan nasaun sira seluk iha rejiaun Ázia koko ona atu impoin estratéjia hotu-hotu ne’ebé rigorozu hodi kombate virus Covid-19 nia propagasaun iha territóriu rai ki’ik ida-ne’e ho populasaun tokon ida ho balu . Tanba ne’e, estadu Timor-Leste, liu husi implementasaun polítika Estadu emerjénsia ne’ebé aprova ona husi Prezidente da Republika Timor-Leste kuaze tinan ida ho balun, kontinua implementa ho razaun atu fó oportunidade ba governu hodi kontrola moras surtu COVID-19.

Maski sosiedade Timor-Leste kritika Estadu emerjénsia, ho argumentu katak polítika ne’e la relevante tan ona tanba iha opsaun seluk atu kontrola virus Covid-19 ne’ebe importadu husi rai liur. Solusaun seluk mak bele taka de’it pontu entrada nian husi fronteira entre Indonézia no Timor-Leste no aeroportu sira. Besik tinan rua ona governu ida-ne’e aplika ona lei kontraversial ho desizaun absoluta ne’ebé la fó benefísiu ba sosiedade, tuir sira nian espresaun krítiku sira hatudu katak sira la satisfás, liuliu relasiona ho polítika Estadu emerjénsia. Sosiedade balun konsidera katak polítika governu ida ne’e, balun laiha ona desizaun ne’ebé mai husi kompromisu civil  husi sosiedade sira, no agora la’o deit ho maneira unilaterál. Ezemplu, iha ámbitu rejime kontrolu propagasaun Covid-19 nian, Governu bandu movimentu ema husi munisípiu ida ba munisípiu seluk. Manipulasaun polítika movimentu ida-ne’e tenke selu ho vasinasaun obrigatóriu (se lae tenke halo teste swab no hetan autorizasaun molok halo viajen ba fatin seluk).

Kuandu iha ona kartaun kinur, simu vasina kompletu, ida-ne’e hanesan dalan úniku atu hetan asesu livre (viajen ba fatin seluk). Kuandu ba fatin ne’ebé de’it, hatudu de’it kartaun livru kinur vasina nian; simplesmente hanesan pasaporte no vistu atu halo movimentu iha territoriál Timor laran tomak. Mezmu nune’e, klaru katak ema iha direitu fundamentál atu simu vasina ka lae. Hanesan organizasaun saúde Mundiál nia rekomenda katak solusaun ida atu asegura seguransa umanu mak liu husi vasinasaun. Bainhira ema ruma simu vasina, automatikamente sei aumenta sistema imunizasaun hasoru virus Covid-19. Mezmu hanesan ne’e, ema ne’ebé simu ona vasinasaun ne’ebé kompleta ona sei bele infetadu husi virus ne’e, maibé risku mortalidade ki’ik ba ema ne’ebe simu ona vasina kompletu.

Ho esperiénsia ne’ebé ha’u rasik hasoru iha fulan Maiu 2021, ha’u deside atu simu vasina primeiru doze. Molok atu simu vasina, ha’u presiza tempu atu determina, ha’u hakarak simu vasina ka lae, no vasina tipu saida? Ida ne’e halo ha’u dúvida atu hili produtu vasina nian ne’ebé Governu prepara, entre astrazena ka cinovax. Liu tiha semana rua, ha’u deside atu hetan produtu astrazeneca ne’ebé Governu Austrália apoia ba Timor-Leste.

Wainhira simu doze permeiru, ha’u tenke hein to’o semana haat atu hetan doze segundu. Ho iróniku, molok hetan doze daruak, iha rumor balu, hoax no deklarasaun balu akontese iha média sosiál. Maski sosiedade Timor-Leste barak, liuliu sira ne’ebé laran-todan atu simu vasina, iha razaun forte, tanba maioria la hetan sosializasaun husi governu kona-ba vatajen vasina hirak nee. Iha pontu balun, polítika na’in balu núdar opozisaun ne’ebé la kontente ho polítika Governu ida-ne’e, kontinua hato’o sira-nia hanoin kona-ba kualidade vasina astrazene nian, argumentu skeptiku balun kona-ba efeitu hosi astrazena ne’e totalmente prejudika sosiedade nia atitude negativu hodi simu vasina.

Iha debate boot kona-ba vasina iha nivel Nasionál, ema barak mak la iha konfiansa atu simu vasina, no polítiku sira balun foti oportunidade ida-ne’e atu influénsia sira nia manuver polítiku ba sidadaun sira. Iha nivel rejionál, nasaun ne’ebé apoia vasina mai Timor-Leste, Austrália mós fó deklarasaun kontroversial kona-ba frakeza vasina AstraZeneca,  ne’ebé dehan katak bele fó de’it ba ema ho idade tinan 20 to’o 40. Iha kestaun kona-ba vasina to ikus konsege justifika husi Austrálianu sira iha Timor-Leste liu husi kanál Diplomátiku, maibé, informasaun ida-ne’e nafatin sai kestaun boot ba sosiedade timoroan sira atu deside atu hetan vasinasaun ka lae.

To’o agora, bainhira opiniaun ne’e publika, virus Covid-19 ho variante foun (Delta) ne’ebé komesa namkari iha Timor-Leste, kuaje ho númeru aumenta ba beibeik. Iha Ermera no Dili, hanesan amostra virus nian balun ne’ebé hetan teste iha laboratóriu Austrália nian, ho rezultadu husi teste hatudu katak kuaze 80% husi totál amostra deteta hanesan variante foun ne’ebé hanaran (delta). Tuir notísia husi Centru Intergradu Jestaun Krize katak hato’o katak to’o agora, iha ema na’in 40 maka mate ho Covid-19. Maske termus “mate ho no mate husi Covid-19”sai konseitu ne’ebe sei debate hela iha públiku, maibé realidade númeru kazu ne’e sai nu’udar dadus numerál ne’ebé Governu ida-ne’e atualiza nafatin ba públiku.

Kona-ba situasaun virus foun (Delta) ne’ebe sai amesa bo’ot ba ita hotu, iha eskema ho solusaun balun ne’ebé posibilidade gorvenu sei foti hanesan medida prevensaun no mitigasaun. Ba dahuluk, Governu sei kontinua extende Estadu emerjénsia atu rasionaliza nia polítika, tanba nasaun ida-ne’e iha hela ameasa boot husi pandemia. Segundu, Governu parese extende hela serka sanitaria iha Teritoriu tomak, no sei aplika konfinamentu obrigatóriu ba munisípiu balun ne’ebé identifika ona katak númeru variante Delta komesa espalla ona. Loos duni, ida-ne’e la’ós buat foun, kuaze tinan ida ho balu Governu nian polítika ne’e sai tiha ona tendénsia flutuativu ida-ne’ebé aplika tomak husi Governu, kada fulan-fulan.

Atu hakotu ha’u-nia opiniaun badak ida ne’e, ha’u observa katak polítika vasina nian, ne’ebé foin lalais ne’e hetan tiha ona desizaun husi Primeiru-Ministru atuál Timor-Leste nian katak funsionáriu públiku hotu-hotu sei simu vasina ho mandatu atu simu vasina, tanba sira ne’ebé deside ona hodi lakohi simu vasina ne’e sei la bele ba servisu no karik sira mós sei lakon sira-nia servisu se kontinua rejeita vasina COVID-19 nian. Pergunta mak ne’e, sidadaun Timor-Leste iha direitu atu hili ka lae, se sira hakarak simu vasina  ka rejeita vasina? Kona-ba asuntu ne’e, Provedór Nasionál Direitus Umanus Timor-Leste fó alerta ba Governu ne’ebé obriga sidadaun sira atu simu vasina nu’udar parte ida husi violasaun Direitus umanus. Ema hotu iha nasaun ne’e debate hela kona-ba asuntu ida-ne’e, mai ita haree saida mak akontese iha drama polítika tuir mai?

Celso Fonseca, Palapaso, 22/8/21

Published by Celso Da Fonseca

I'm just a dreamer who enjoys my freedom. Freethinker, free writer, and free dream.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: